Lástima de Bois: Bebidas

Bebidas

A xente de Lástima de Bois gosta de beber de mais, e entrar nese especial estado chamado borracheira. As nosas bebidas o día da festa das peñas deben cumplir cunha serie de condicionantes: ser moi abundante, ser o mais barata posible, e ter efectos psicotrópicos sobre o sistema nervioso do ser humano. Ten especial importancia a relación Alcohol/Prezo.

As nosas bebidas favoritas son:

Viño sospeitoso: Este viño normalmente sae barato, mesmo regalado polo adegueiro coa sospeitosa frase: 'Levadeo, total era para tirar...'. Este viño se ten a calidade axeitada pode utilizarse para facer calimocho ou sangría, se alguén ten peito, pode mesmo bebelo solo. O mais normal e utilizalo para mancharnos os uns os outros. Está e unha típica tradicción do día de peñas. (Ver sección peñas)

Calimocho: Bebida por excelencia do día de peñas.

Os ingredientes son:

Coca Cola: A pesar de que existen outros refrescos de cola doutras marcas, mais baratos, ó final non compensan, por que o calimocho queda absolutamente imbebible. Son especialmente rexeitables as marcas do supermercado onde esteades a face-la compra, Día-Cola, Simago-Cola, Continente-Cola, .... Moito coidado coa cola No Frills.
Viño: Ó contrario que a Coca Cola, co viño cúmplese unha regla que dí: 'Canto peor sexa o viño, mellor é o calimocho'. Os mellores viños son sen dubida os de cartón, feitos a base de polvos. Os de botella, feitos de uva de verdade son moi pouco recomendables para facer esta bebida. Dentro dos viños de cartón podemos recomendar as marcas 'El Conquistador', 'Día', 'Don Simón', e o noso favorito, 'Viño No Frills'. Este último é especialmente sospeitoso, por que ven en cartóns totalmente blancos, coa frase 'Wine No Frills', sin data de envasado, control de sanidade ou cousas polo estilo.
Azucre: Botaremos un puñado xeneroso.

Preparación: Para preparar o calimocho, colleremos unha botella ou garrafa, de polo menos dous litros. Poñeremos a partes iguais viño e Coca Cola, e engadiremos o azucre. É preciso ter coidado cando o botemos porque se produce unha reacción química, que fai que saia un chorro de espuma da botella. Si o facedes en casa tende coidado coa alfombra.Para finalizar, debemos tapar a botella, e axitala, para conseguir que os ingredientes se mesturen. Se bebe a morro da botella ou garrafa. Está mal visto beber o calimocho por vaso.

O calimocho, admite outros ingredientes para dar sabor. O certo e que admite case calquera cousa que se lle bote. Estes ingredientes adicionais hai que botarllos logo do azucre, e debemos botar un chorro xeneroso, pero sen pasarnos. A continuación dámosvos algunhas suxerencias, ainda que podedes experimentar coas vosas propias ideas:

Augardente: de herbas ou blanco, depende do voso estómago.
Licor de Mora
Licor de Limón
Licor de Frambuesa
Tequila
Vodka

Nota: Unha das vantaxes do calimocho, e que non precisa estar frío para poder bebelo. Isto permítenos ir ó super, comprar uns cartóns e un pouco de Coca Cola, e disfrutalo non banco alí mesmo.

Sangría: É unha sangría normal, pero co noso especial 'toque'.

Os ingredientes son:

Viño: Vale o que se dixo para o viño do calimocho.
Refresco de laranxa e de limón: A partes iguais. Vale de calquera marca. Voltamos a recomendar 'No Frills'.
Froita fresca: En trozos. A poder ser que non estea podre.
Azucre.
O que haxa: Neste apartado incluimos calquera bebida alcoholica que teñamos. Dan bo resultado a sidra e os licores de froitas.
Xeo: Comprado nunha gasolineira. O xeo ten unha función primaria que é enfriar, pero tamñen ten un efecto secundario moi desagrable que consiste en que se convirte en auga cando se derrete. Para evitar isto, botaremos o xeo dentro da bolsa de plastico que nos dan na gasolineira, e así ó derreterse a auga queda dentro da bolsa e non nos estropea a sangría.

Preparación: A sangría se prepara en algún tipo de barreño, pota grande ou recipiente similar. Botamos en primeiro lugar viño e refrescos a esgalla, e a continuación a froita, o azucre e o resto dos ingredientes. Non existen medidas fixas, imos botando, e probando, ata que o sabor nos guste. É importante remexer constantemente a sangría, e faremolo coas mans, ata o cóbado, sen escrúpulos...

Bébese por vaso, ainda que en caso de necesidade, podemos trasvasar a sangría a botellas.

Cervexa: Non é unha bebida moi recomendable porque quente esta asquerosa, pero unhas litronas sempre se baixan.
Cubatas: Un vez chegados a Pontevedra, dentro dos bares.